నీటి అడుగు

నీటి అడుగు 

***********

 అలసి పోయి కొనఊపిరి నిలిచి పోయిన   

రాలిపోయిన ఎండుటాకుల్ని కుప్పచేసి 

ఈ  చలి  కాలం  మంట కాగవచ్చు వెచ్చంగా .. 

జ్ఞాపకాలు కొన్ని బూడిద లో చేరి 

ఇక బుద్దిగా  నిదురలోకి జారిపోతాయి 

***********

వెలుగు రేకులు పూర్తి గా విరబూయక ముందే  

సూర్య కిరణాలు తాకి కంటి వెలుగులయ్యే పచ్చని ఆకుల్ని 

నా ఆనందాశ్రువులతో ఒక్క సారి తడి చేయాలని  వుంటుంది 

నువ్వు  గాలై  వీచి, వీచి  కొమ్మలు ఊ యలలయ్యే  వేళకి 

కడిగిన ఆకుల చినుకులు నేల తాకితే .. 

ఆ పదను కే .. 

జ్ఞాపకాల గొడుగు పురి విప్పుకుంటుంది 

ఊరేగింపులా జీవితం నీటి అడుగులు వేస్తుంది