ఆంధ్రప్రదేశ్, తెలంగాణ, పశ్చిమ బెంగాల్, ఛత్తీస్‌గఢ్ మరియు ఢిల్లీకి చెందిన 25 మంది సభ్యులతో కూడిన ప్రజాస్వామిక హక్కుల సంస్థల సమన్వయ బృందాన్ని  (CDRO) ఛత్తీస్‌గఢ్‌లోని సుక్మా జిల్లాలోని దుబ్బతోట పట్టణంలోని క్యాంప్ చెక్‌పాయింట్ వద్ద ఫిబ్రవరి 1వ తేదీ మధ్యాహ్న సమయంలో అక్రమంగా అడ్డుకున్నారు .  రాష్ట్ర సిబ్బందిచాలా ఇబ్బంది పెట్టారు .  ముందుకు వెల్లడానికి అనుమతించ లేదు. ఆ ప్రాంతంలోని దుకాణాలను బలవంతంగా మూసివేసి వారికి కనీసం  ఆహారం   దొరక కుండా  చేశారు . అంతేకాకుండా, సరైన ఆశ్రయం పొందేందుకు సమీపంలోని 'పంచాయత్ భవన్'కు వెళ్లేందుకు కూడా వారిని అనుమతించలేదు.  విశ్రాంతి ఏర్పాట్ల కు విఘాతం కలిగించి  చివరకు ఒక రేకుల షెడ్డు లో  ఉంచారు.   రాత్రి అక్కడే గడిచింది . 

ఫిబ్రవరి 2వ తేదీ ఉదయం 10 గంటలకు, చివరకు వారిని స్థానిక క్యాంప్ కమాండర్ వదిలిపెట్టారు, 3 కిమీ దూరంలో ఉన్న మరొక క్యాంపు చెక్ పాయింట్ వద్ద మళ్ళీ  ఆపారు.

తెలంగాణ-ఛత్తీస్‌గఢ్ సరిహద్దులోని బీజాపూర్ మరియు సుక్మాలోని వివిధ గ్రామాలపై  జరిగిన ఏరియల్ బాంబు దాడుల గురుంచి  పరిశోధించడానికి ఈ బృందం ‘ఫ్యాక్ట్ ఫైండింగ్ మిషన్’లో  భాగం గా అక్కడికి వెళ్ళింది . బుర్జి మరియు ఇతర ప్రాంతాలలో శిబిరాల వ్యతిరేక ఉద్యమాలపై రాజ్య అణచివేత మరియు షెడ్యూల్డ్ ప్రాంతాలకు పంచాయితీ పొడిగింపు (PESA) చట్టం ప్రకారం "గ్రామసభ యొక్క సమ్మతి" కోరే నిబంధనలను ఉల్లంఘించి   రోడ్లు మరియు శిబిరాలను నిర్మించడానికి అక్రమ బలవంతపు భూ సేకరణ అంశాలను  పోలీసు సూపరింటెండెంట్ మరియు సుక్మా జిల్లా కలెక్టర్‌తో పాటు బుర్కాపాల్ డిఎస్‌పిని కలుసుకుని, తెలియజేసినప్పటికీ, వారిని అక్రమంగా నిర్బంధించారు .  CRPF, DRG మరియు ఛత్తీస్‌గఢ్ పోలీసుల భారీ వలయంలో రేకుల షెడ్లో  ఒక రాత్రి అంతా  ఉంచారు. 

అధికారులకు చెప్పిన సమాచారం గురించి బృందం చెప్పినప్పుడు, సెంట్రల్ రిజర్వ్ పోలీస్ ఫోర్స్ అధికారులు దానిని అంగీకరించడానికి సున్నితంగా నిరాకరించారు . 

 "మేము కేంద్ర బలగాలము . రాష్ట్ర ప్రభుత్వ అధికారుల నుండి  మేము ఆదేశాలు తీసుకోము" అని చెప్పారు . 

రోడ్డు  మార్గాల ద్వారా ఎవరిని  అనుమతించకుండా  ఒక నిర్బంధ వాతావరణం సృష్టించడం వలన  మరియు రాష్ట్ర బలగాల నిరంతర వేధింపుల కారణంగా    "ఫ్యాక్ట్ ఫైండింగ్"  బృందం తన  విచారణను రద్దు చేసుకోవలసి  వచ్చింది. 

బయటి పరిశీలకులు, జర్నలిస్టులు, కార్యకర్తలు మరియు మానవ హక్కుల పరిరక్షకులపై ఈ రకమైన ఆంక్షలు ఎందుకంటే ..  పౌర సమాజం  నుండి ఎటువంటి నిరసన  లేకుండా తమ మారణహోమ చర్యలను కొనసాగించడానికి సాక్షులు లేకుండా యుద్ధాన్ని సృష్టించడానికి రాజ్య దళాలు చేస్తున్న ప్రయత్నమని అర్థం చేసుకోవాలి. 

 ఆపరేషన్ గ్రీన్-హంట్‌తో ప్రారంభమైన ఈ సమాచార అణిచివేత ఆపరేషన్ సమాధాన్-ప్రహార్ కింద అనేక రెట్లు పెరిగింది, ప్రతి 3-4 కి.మీ దూరంలో శిబిరాలు, కార్పొరేట్ దోపిడి ప్రయోజనాల కోసం బస్తర్ ప్రజలపై విధ్వంసం సృష్టించడమే కాకుండా ప్రజాస్వామ్య శక్తులకు మార్గాన్ని నిరాకరించాయి.

ఫోరమ్ ఎగైనెస్ట్ కార్పొరేటైజేషన్ అండ్ మిలిటరైజేషన్ (FACAM) CDRO ఫ్యాక్ట్ ఫైండింగ్ టీమ్‌కి అనుమతి  నిరాకరించడం, టీమ్ సభ్యులను వేధించడం మరియు దేశ ప్రజలకు చేరకుండా సత్యాన్ని అణచివేయడాన్ని తీవ్రం గా ఖండిస్తున్నాము 

. కేంద్ర ప్రభుత్వం, రాష్ట్ర ప్రభుత్వాలను కూడా నిలదీస్తున్నాము . ఛత్తీస్‌గఢ్‌లో వైమానిక దాడులు నిర్వహించడం లేదని  చెబుతున్న   బస్తర్ రేంజ్ ఐజి  చెప్పేది నిజమే అయితే విచారణ జరిపేందుకు ఎందుకు భయపడుతున్నారు మరియు నిజనిర్ధారణ కమిటీ కి ఎందుకు  అనుమతి  నిరాకరించారు? 

 ఏ సత్యాన్ని  వారు దాచిపెట్టి , పాతిపెట్టడానికి ప్రయత్నిస్తున్నారు? సమాధానం తెలుసు: 

ఇది దేశంలోని ఆదివాసీలపై ఆపరేషన్ సమాధాన్-ప్రహార్ కింద రాష్ట్రం చేసిన నరమేధ యుద్ధం.

మా  డిమాండ్స్ :

NHRC లేదా సుప్రీం కోర్ట్ ఆదేశాల మేరకు ప్రజాస్వామ్య హక్కుల కార్యకర్తలతో కూడిన బృందం తో  ఈ  సంఘటనలపై వాస్తవాలను వెలికి తీయడం .. 

యుద్ధ-ప్రాంతాన్ని సందర్శించటానికి  ప్రజాస్వామ్య, పౌర మరియు మానవ హక్కుల కార్యకర్తలు మరియు జర్నలిస్టులకు ఎటువంటి ఆటంకం లేకుండా అనుమతించండి.

ఆ ప్రాంతంలో  జరిగిన సంఘటనల గురించి పూర్తి సమాచారాన్ని ఇవ్వాలి .

మావోయిస్టు ఉద్యమంతో పోరాడే  మిషతో  కార్పొరేట్ దోపిడీకి వ్యతిరేకంగా పోరాడుతున్న ప్రజలపై రాజ్య అణచివేతను ఆపండి.

ఆపరేషన్ సమాధాన్-ప్రహార్ ఆపి  వేయాలి