పుస్త'కబేళా '

పుస్త'కబేళా '
(పుస్తక మేళా )

పాపం పుస్తకాలన్నీ 
బేలగా పడివున్నాయి 

మేళా  మరి ..కబేళా మరీ 
కాస్త కండ  బట్టి 
మిలమిలా మెరిసే 
కొత్త పుస్తకాలకో ధర 
పాత పుస్తకాలకొక ధర 
చవక చవక 
చచ్చిన శవాలను 
వేలం వేసినట్టు

కరుణశ్రీ ఎప్పుడో పోయాడు పాపం 
ఇప్పుడు ఎవరు 
ఆలపిస్తారు 
ఈ పుస్తక విలాపాన్ని 

ఎన్కౌంటర్ చేసేసి 
మాటల్ని 
నాలుగు మూటలుగా గట్టి 
ఎంత బాగా అమ్మకానికి పెట్టారు 

చిట్టిపొట్టి మాటల్ని 
ఎంత క్రూరంగా 
హింస పెట్టారో కదా 
దయలేని వారు ఈ రచయితలు 

ఏ పుస్తకం లో దొరుకుతాయి 
నిజమైన ప్రేమ ,దయ,కరుణ 
నీలో నాలో తప్ప 

జ్ఞానమెవ్వడి సొత్తురా 
అమ్మకానికి పెట్టారు 

నీ అరమోడ్పు కన్నుల్లోంచి 
జాలువారే భావాలను 
ఏరుకునే టైం లేదు ఎవ్వరికి 
ఈ పుస్తకాలను చదవరు  
చివరికి 
మళ్ళీ అవి గోడ ల్లోకి
అద్దా ల గ్లాసుల్లోకి 
భద్రంగా పాతిపెడతాం 
చచ్చిన శవాల్లా 
భద్రంగా  చుట్టిపెడతాం 
ఈజిప్టు మమ్మీల్లా