వలపు కొలిమి

వలపు కొలిమి 

నా కంటే బాగా నా హృదయాన్ని విడదీసి ,విడమరిచి ..నీ మూగ భాషల్లో ..నీ ఉహ్ .ఉహు అల్లకల్లోంచి దూరి పోయి ..నీకు ఎవ్వరు చెప్పగలరు .. మౌనంగానే అయినా నీ భుజాలు పట్టి ఊపి ఊపి ...నీ నుదుటి మీద ,నీ కనురెప్పల మీద ,నీ పెదవుల మీద ఎన్ని ముద్దులు పెట్టైనా నా మనసుని నీ ఎద మీద పరిచేవాడిని కదా ..

ఎన్ని పచ్చని గడ్డి మైదానాలు బోసిపోయాయో నీ అలకల్లో ... తుంచిన  గడ్డిపరకలు ఎన్ని మోపులయ్యాయో .. ఎప్పుడు ఏ భావం  ఏ భాషకి పూర్తిగా అందిందని ..అన్నీ అర్థ భావాలే ..

కన్నీటి తెర చాపలేసుకుని మౌన ఓడల ప్రయాణం .. ఎప్పుడు ఏ తీరం చేరిందని..
గుల్జార్ పాటల్లో తేలుతూ, తూలుతూ సాగుతూనే ఉంది ఇప్పుడూ
ప్రేమ కి ఇంతకంటే సాక్ష్యం ఏమి కావాలి
ప్రేమకి ఇంతకంటే పునాది ఏమి కావాలి

మనిషి కంటి చూపు లో పుట్టే ప్రేమ
ఎందుకో కన్నీటి తోనే చెలిమి చేస్తుంది
వలపు కొలిమిలో కాగి పోతుంది