కాసేపు మౌనంగా ఉండు
ఈ ముద్దే ఇక
చివరిది కాబోదు లే !
మరింతగా ముద్దొచ్చే మరెన్నో మురిపాలు
నోరు కుట్టేసుకుని కాచుక్కూర్చుంటాయి
అలాగే ఈ మాటే ఆఖరిదై పోదు
ముప్పిరిగొన్న భావాలు నీ ముంగురులలోనే
చిక్కుపడి అలాగే నక్కి నక్కి వుంటాయి
నువ్వూ కాసేపు
మౌనంగా ప్రవహించు . .
అన్నీ సర్దుకుంటాయి
సాయంకాలం వర్షం లా
అన్నీ కుదురుకుంటాయి
సుడులు తిరిగే కారుమబ్బులు
కోటానుకోట్ల నీ కంటి మెరుపులు
నీ కోపాన్ని నటించే పిడుగులు ..
అన్నీ .. చల్లని వర్షమై
అల్లుకుంటాయి చూడు !
కామెంట్‌లు లేవు:
కామెంట్‌ను పోస్ట్ చేయండి