ఏమో !
ఎడాపెడా ఫోన్ నిండా మాట్లాడేదానివి
మనసు పొంగిపోర్లేది
ఆకాశం చేతి కందేది
అంత హాయ్ గా వుండేది మరి !
మాట్లాడుతూ ,మాట్లాడుతూ
మాయం అయి పోయావు
రేయంతా ఎదురు చూపులు
ఫోన్ నే ఎన్నిసార్లు
గట్టిగా తట్టిలేపానో !
కంగారు కాదా మరి
కంటి మీద కునుకు
ఏ కనుమల్లోకో ఎగిరి పోయింది
మనసు
ఏదో జలపాత హోరులో
తడిసి ముద్దయుపో యింది
ఏదో కీడు శంకిస్తుంది
నీ వెంట తోడుగా లేనందుకు
గుండె దిగాలుపడుతుంది
నువ్వు దేన్నయనా జయంచ గలవన్న
విశ్వాసమేదో నన్నెప్పుడూ నిశ్చింతగా నిద్రబుచ్చేది
(ఇక్కడ నీకో రహస్యం చెప్పాలి
ఆమె అతడిని జయంచింది,అందుకే ఆ నమ్మకం )
అలాంటిది -
ఈ రాత్రి పిచ్చి పట్టినట్టు వుంది
భయమేదీ లేదు
ఏదో బాధ పట్టి పీడీస్తుంది
ఈ చీకటిలోంచే
ఒక వెలుగు కోసం ఎదురుచూపు
నీ కమ్మటి పిలుపు
కోసం పడిగాపులు *
కామెంట్‌లు లేవు:
కామెంట్‌ను పోస్ట్ చేయండి