ఆచరణ

ఆచరణ -మొదట 

నా చిటికెన వేలు పట్టుకొని

 బుడి బుడి అడుగులు వేస్తుంది 

నా నుంచే నడక నేర్చుకుంటుంది 

పడుతూ ,లేస్తూ 

జ్ఞానాన్ని  పెంచుకుంటూ ,పేర్చుకుంటూ 

నాతో నడిచే నేస్తమౌతుంది 

నాకు వివరిస్తుంది ,విశదపరుస్తుంది 

ఆచరణ -మరింతగా విస్తరిస్తుంది 

అప్పుడు - 

అది నాలో వలపౌతుంది 

ఒకరి కోసం ఒకరం జీవిస్తూ వుంటాం 

ఒకరిని విడిచి ఒకరం ఉండలేని 

ప్రేమ అవుతుంది -ఆచరణ 

ఆ ఆచరణే ఆకాశమంత విశాలమౌతుంది 

ఆచరణ -నాకు దారి చూపే చుక్కాని అవుతుంది 

చివరాఖరికి -నా ఆచరణే  నాకు గురువు అవుతుంది .