అమ్మ

అమ్మ కంటి బాస 

అమ్మ...
అవును అమ్మే
పెద్ద ఆరిందాలా
నన్ను కని .. 
పెంచీ ..
 పెద్ద చేసింది

కానీ
నేనేమి
అమ్మ కి కొనసాగింపు కాదు

అప్పుడే ఒక సంవత్సర కాలం
అమ్మ ఊసుల్లేకుండా బోసిపోయింది

మీ అనుభవం లో ఉందో  లేదో తెలీదు

మనకి చాలా  ప్రియమైన వాళ్ళు
మరణం తర్వాత కూడా
చావుని గేలి చేస్తూ
నవ్వుతూ
మన చెంత చేరి
కబుర్లు చెబుతూ
మనల్ని ఆశ్చర్యం లో ముంచెత్తుతారు

కాని  అమ్మ ఎందుకో
కలలో కూడా మాట్లాడేది కాదు

అమ్మది "కంటి బాస "
గుండెల్ని పిండేసే ప్రేమ
అమ్మ ప్రాణాలు
ఈ గాలిలోనే
ఇంకా తిరుగాడుతున్నట్లు

నా గాలిమేడల్లో
ఒక నిరంతర గుండె సవ్వడి ..

08.03.1 7,బచావ్ ,గుజరాత్