కోనసీమ.. 
అది ఆకుపచ్చని   పైట 
దీన్ని  వలచని వాడు చవట  
అలాగని 
ఎడారి లో అందం లేదని చెప్పలేను 

అదొక అద్బుతం అంతే !

 కాని
ఈ సీమ ,

అమృతం కురిసిన రాత్రి 

ఒక కవి తలపోత. 

ఈ కోనలో  వెన్నెల అమృతమే మరి!

అనకొండల్లా మెరిసే నీటి కాలవలు 

అనంతమైన ఆకాశాన్ని కమ్మేసే 

కొబ్బరాకుల అతిశయం 

భూ గోళాన్ని పచ్చని చాపలా చుట్టేసే 


వరి పొలాల వెర్రి 

అక్కడి ప్రజల యాస 

'ఆయ్ '

అంతే ఇది గా వెటకారం  

నవ్వుల పువ్వులు పూయా ల్సిందే

పగిలిన  గుండెలు అతకాల్సిందే 

అది మరీ కోనసీమంటే !

ఎప్పుడూ  ఉతికి ఆరేసిన కొత్త చీర లాంటి మెరుపు 

ఆ ప్రకృతిలో ,ఆ పలుకుల్లో 

స్వర్గానికి ఇక ఇంకో మెట్టే లే అని మురిపించే 

కాలవ గట్లు 

కడలిని చేరుకొనే హడావిడి లో 

గోదారి చిట్ట చివరి అడుగు 

ఈ  కోనసీమ .