కాలాంతకురాలు

 కాలాంతకురాలు 

బహు  దూరం..  

నీ దగ్గరున్నంతగా

 ఈ దూరం లో 

ఎప్పటికి..    ఆ హాయి ఉండే వీలే లేదు 

కాని

కాలం ఉంది చూసావు !

అచ్చం గా నీ లానే 

మౌనం గానే 

మరణ మృదంగాన్ని మోగిస్తుంది 

కాలం .. 

నీ కంటిచూపుల ముల్లులతో 

చేసే గాయాలకు 

ప్రతి క్షణం విలవిలలాడుతుంది 

నీ సమక్షంలో కాలం తెలిసేది కాదు 

ఇప్పుడు ఆ కాలమే 

కాలనాగై 

కాటేస్తున్న విషపు కోరల్లో .. 

ఎంత దూరభారాన్నైనా 

 అధిగ మించగలిగాను 

కాని 

ఈ కాలాంతకు రాలితో 

ఎలా వేగేదో !