సియాసత్  పత్రిక ఎడిటర్ జహీరుద్దీన్  ఆలీఖాన్ కు నివాళి .. 

గద్దర్ అంతిమ యాత్ర (07. 08.) తొక్కిసలాటలో ప్రాణాలు కోల్పోయిన ప్రాణ మిత్రుడు 

మనందరికి మిత్రుడే .. 

అప్పటికే తెలుగు నేల బరువెక్కిన గుండెతో  గద్దర్ మరణ దుః ఖాన్ని మోస్తున్నది .మిత్రుడి అంతిమ కార్యక్రమాలు ఇంకా పూర్తవనే లేదు . అంతలోనే ఆలీఖాన్ హఠాత్ మరణం   గుండెని పిండి వేసింది . 

అప్పటిదాకా మన కళ్లెదుటే కదలాడిన మనిషి కుప్పలా కూలిపోతే ఎవరిమైనా ఎలా తట్టుకుంటాం ?

అతడు మీలో చాలా మందికి పరిచయం లేకపోవచ్చు .. నాకూ  అంతే !

అయితే ముందు చాలా సార్లు అతని పేరు విని వున్నాను . అతని గొప్ప మనసు గురుంచి తెలుసు  కొన్నాను . 

మంచితనం అనేది మనకు ఎంత దూరంలో వున్నా దాని గుబాళింపు మనకు ఎలాగోలా చేరిపోతుంది.

అలీఖాన్ చనిపోక ముందు రెండురోజులు దాదాపు నా కళ్ళ ముందే   వున్నాడు . వీక్షణం వేణుగోపాల్ పుస్తకం   "విద్వేషపు విశ్వ గురు " ఆవిష్కరణ సభలో ,ఆ తర్వాత జయశంకర్ సార్  సంస్మరణ సభలోను . 

ఒక్కసారి దగ్గరగా చూస్తే మరిచిపోయే ముఖం కాదు ఆయనది . 

ప్రేమాస్పుదుడైన  మనిషి  తన శత్రువు నైనా  వెంటాడుతుంటాడు . 

సమాజ నిర్మాణానికి అవసరమైన బిడ్డల మరణాన్ని "ఒక తల్లి" హృదయాన్ని మోసుకు తిరిగే ఏ ప్రజా సమూహం తట్టుకోలేదు . 

ఆలీఖాన్ భాయ్  నువ్వు మా దోస్తువు .. మా ప్రాణానివి .. 

మీ నవ్వు ముఖాలే మా జెండాలు .. 

మీ ఆశయాలే మా 'ఎజెండాలు "..