వలస కూలీ

వలస కూలీ
పెద్దల మాట అంటే అంత అలుసా ?

బతికుంటే బలుసాకు తిని బతుకొచ్చు .. అంటే
భరోసా లేదా?

ఆ ఆకు అలములు ఏవో
నీ ఊర్లోనే తిని చస్తానంటావా !

అలా , ఎలా కుదురుతుంది చెప్పు ?
స్వతంత్ర భారతం లో
చావు కూడా పెళ్లి  లాంటిదే కదా !

ఇప్పుడసలే గరీబ్ కళ్యాణ్  పథకం కూడా అమలు
కరోనా మరీ  కరుణించిన కల్యాణ ఘడియలు ఇవి!

బతుకు పద్దు

బతుకు పద్దు 
బహుశా నిన్నటికే
లెక్క సరిపోయినట్లుంది
ఈ రాత్రి నిద్ర పట్టి చావట్లేదు
కొత్త పుస్తకమేదైనా కొనుక్కోవాలి రేపు
పాత లెక్కల పుస్తకం తప్ప ..