23, జులై 2015, గురువారం

ఆచరణ

ఆచరణ

నా ఆచరణ .. మొదట
నా చిటికెన వేలు పట్టుకొని
బుడిబుడి అడుగులేస్తుంది

నా నుంచే నడక నేర్చుకుంటుంది
పడుతూ ,లేస్తూ

జ్ఞానాన్ని పెంచుకుంటూ .. పేర్చుకుంటూ
నాతో నడిచే నేస్తమవుతుంది
నాకు వివరిస్తుంది ,విషద పరుస్తుంది

ఆచరణ మరింతగా విస్తరిస్తుంది
అప్పుడు ..
అది నాలో వలపవుతుంది
ఇక ..
ఒకరి కోసం ఒకరం   జీవిస్తుంటాము
ఒకరిని విడిచి ఒకరం ఉండలేని
అద్బుతమైన ప్రేమ అవుతుంది ఆచరణ

ఆచరణ ..
ఆకాశమంత విశాలం  అవుతుంది
ఆచరణ ..
నా జీవన   నౌకను నడిపే చుక్కాని అవుతుంది
నా ఆచరణే .. నాకు తిరుగు లేని గురువు అవుతుంది 

కామెంట్‌లు లేవు:

కామెంట్‌ను పోస్ట్ చేయండి