స్వఛ్ఛ భారత్
గదిలో పేరుకుపోయిన చెత్తనంతా
ఒంటి చేత్తో తొలగించినట్టే..
ప్రతి రోజూ మనలో
పోగయ్యే ఉన్మత్తను
ఒక మూలకు
నెట్టివేయక పోతే
బతుకు చెత్త కుండే !
ఇది మావో సూక్తి ..
తనని గుర్తు చేసుకోకుండా
రోజు గడవని స్థితి
ఎంత ప్రపంచీకరణ
యూస్ అండ్ త్రో చెత్తో !
ఏరి పారవేసే సత్తా లేక
మనిషన్నవాడే
మాయం అయిపోతున్నాడు
అన్నిటికీ ఎక్కడికక్కడ
అంతుకులు బొతుకులు
ఇదన్యాయమని అరిస్తే
వాతలు ..కవాతులు ..
ఒయాసిస్
దేన్నీ వెదుక్కుంటూ
వస్తామో ..
దేన్నీ వదిలి
పెడతామో ,,
ఒంటి కాలు మీద కాలం
ఎంత దూరం
పరుగెడుతుందో ..
ఎండ మావి లో నీటిని
ఒంటె -ఎడారి ఓడ
నింపుకుంటుందా ?
అయినా ఆశ ఒక్కటే
కన్నీటితో ప్రాణం పోసి
ఒయాసిస్ ను
నిలుపు కుంటుంది
నైట్ డ్యూటీ
నైట్ డ్యూటీ
పండు కోవడానికి
కండ్లు కాయలు కాయాలా ?
నీ స్మరణ లో
రేయి పగలు కావాలా ?
కాలాన్ని కదిలిస్తే
కళ్ళు మూత పడతాయి
ఒంటరిది ఈ చీకటి
వెలుగును కావలించుకుంటుంది
నిదుర మబ్బు కన్నులలో
నిన్ను నిలుపుకుంటుంది
గది నిండా నీ మాయ
గుండె నిండిపోతుంది
మాటల్ని పేర్చుకుంటూ
కొత్త గోడలు మురిసిపోతుంటాయి
